CONVIVENZA ATTENTA
Discurer avert da quai che ans commuventa, dat forza. Pastoraziun u assistenza spirituala vul dir ch’ins tractia in l’auter cun precauziun, ch’ins raquentia in a l’auter da la vita e ch’ins saja qua in per l’auter. In discurs pussibilitescha da chapir quai ch’ins ha fatg tras u vivì. In vers da la bibla, ina istorgia u in’uraziun po far effect supplementar. Quai gida d’esser sin terra franca. Per exempel alura sch’insatge che vegniva enfin qua purtà croda ensemen.
En ina plaiv chattais Vus blers umans che dattan paisa ad ina convivenza premurusa. Nossas plevonessas e noss plevons, sco er diaconas e diacons socials sa dattan bregia spezialmain per la pastoraziun. Els visitan commembers en l’ospital, els tgiran il contact en la chasa d’attempads e da tgira, els fan visitas a chasa e sa legran da scuntradas tranteren.
Offertas spezialas. En il post spezialisà Paarlando per pèrs e cussegliaziun da vita, ils ospitals chantunals e regiunals, las praschuns e las clinicas psichiatricas, èn plevons e plevonessas activas cun furmaziun spezialisada. Nus sustegnain er il numer 143, l’assistenza pastorala da telefon Maun Avert che è cuntanschibla 24 uras.
Pastoraziun en instituziuns ed en Voss lieu
Cussegliaziun da pèrs e da vita