Cussegl da baselgia

MANAR LA BASELGIA CHANTUNALA

Il Cussegl da baselgia è l’autoritad executiva da la Baselgia chantunala. El represchenta la Baselgia chantunala en sias relaziuns externas cun las autoritads statalas ed instituziuns publicas ed è respunsabla da realisar ils conclus dal Cussegl grond evangelic e da la Sinoda. Vinavant surveglia el las plaivs e las Regiuns ecclesiasticas. Il Cussegl da baselgia sa furma da 7 commembers, da quels elegia la Sinoda trais ed il Cussegl grond evangelic quater. Tut ils commembers dal Cussegl da baselgia exequeschan lur lavur en uffizi accessoric.

Las incumbensas dal Cussegl da baselgia:

• represchentar la Baselgia chantunala vers l’extern;
• exequir ils conclus dal pievel grischun da confessiun evangelica, dal Cussegl grond evangelic e da la Sinoda;
• preparar las fatschentas da la Sinoda e dal Cussegl grond evangelic;
• proponer leschas per mauns dal Cussegl grond evangelic;
• relaschar ordinaziuns (disposiziuns executivas) tar leschas;
• survegliar las plaivs e las Regiuns ecclesiasticas;
• confirmar l’elecziun da plevons e plevonessas.

Termins da sesidas:
2024: 18-1 / 22-2 / 14-3 / 11-4 / 16-5 / 13-6 / 4-7 / 15-8 / 19-9 / 31-10 / 21-11 / 12-12
2025: 16-1 / 20-2 /13-3 / 17-4 / 15-5 / 13-6 / 3-7 / 14-8 / 18-9 / 30-10 / 20-11 / 11-12