UNDRAR VITA VIVIDA
I fa mal da stuair prender cumià d’in carstgaun charezzà. Questa dolur na pudain nus betg prender davent a Vus che essan en cordoli. Dentant pudain nus accumpagnar Vus atras quest temp da malencurada. Ina festivitad da cumià gida da far in emprim pass en questa situaziun nova da la vita. Cun musica, quietezza, oraziun ed in pled or da la vista cristiana, capabel da dar in senn, sa regordan famiglia, amis e la cuminanza da la plaiv dal defunct u la defuncta. Quai dat forza.
En cas d’in mortori contactai p. pl. il plevon u la plevonessa da Vossa plaiv ed infurmai l’administraziun communala. En intginas vischnauncas datti in pitschen manual spezial per mortori e sepultura che inditgescha las usanzas localas. Per pudair sclerir ils detagls dal cumià As visita la plevonessa u il plevon gugent a chasa. Communicai p. pl. er sche la persuna defuncta ha er menziunà giavischs u relaschà indicaziuns a scrit. Quai pon ins alura integrar en las preparativas per l’act da cumià.
Il plevon u la plevonessa As sustegn gugent Vus.