PAUN E VIN

Paun, vin e Jesus Cristus amez ils umans – sco il batten è er la sontga Tschaina in sacrament. Sche nus mangiain e bavain e faschain latiers ina festa, ans referin nus ad ina da las pli veglias tradiziuns dal cristianissem. La s. Tschaina ans regorda a la colliaziun cun Jesus e sco cuminanza in cun l’auter. Tar questa ceremonia plaida il plevon u la plevonessa ils uschè numnads pleds d’installaziun. Quels tractan da la davosa tschavera da Jesus cun ses giuvnals. Latier tutgan pleds da la bibal sco er paun e vin u suc dad ivas.

Almain da Nadal, Pasca, Tschuncaisma ed a la festa grischuna da racolta è la sontga Tschaina la part festiva dal cult divin en nossas baselgias. Ella po er vegnir integrada tar ulteriuras chaschuns. Sche nus festivain la s. Tschaina èn tuts envidads, malgrà confessiun u religiun a la quala insatgi sa senta attaschà.

Cura ch’i vegn festivà sontga Tschaina en Voss conturn, As informescha il plan da servetschs divins da Vossa plaiv.