CUN FAMIGLIA ED AMIS
As vulais Vus sco pèr regalar obligaziuns? Gugent As accumpignain nus Vus tar quest pass e concepin cun Vus ina festa en ina da nossas baselgias. L’enzinaziun u copulaziun è tenor chapientscha evangelica ina festa da benedicziun. Il rom dal servetsch divin festiv e la preschientscha da famiglia, amis e cuminanza accentuescha la muntada speciala da quest mument. Blers pèrs barattan in anè sco segn da la colliaziun vicendaivla.
Cundiziun per la copulaziun en baselgia è ina enzinaziun tar l’uffizi da stadi civil. Plinavant sto in dals partenaris esser commember da nossa baselgia. Enzinaziuns ecumenas èn pussaivlas, pretendan dentant la preschientscha uschè bain d’in plevon u plevonessa evangelica-refurmada sco er d’in plevon u assistenta pastorala catolica.
Respunsabla per copulaziuns u benedicziuns è il plevon u la plevonessa da Vossa plaiv. El/ella sa legra d’emprender a conuscher Vus sco pèrin.