CONCEDER IN A L’AUTER DAL BUN

Cun ‘benedir’ è manegià il bun che nus implorain da Dieu e che nus concedain in a l’auter. Uschia tutga la supplitga da la benediziun tar mintga servetsch divin e tar mintga casualia, tar in batten, ina sepultura u ina nozza. Ina benediziun che vegn oz duvrada gugent è la suandanta: «Giai en la forza che è dada a vus. Giai simplamain, giai liger ed agil, giai fin, e guardai da chattar l’amur. Il spiert da Dieu as accumpogni!».

P. pl. as drizzai a la plevonessa u il plevont da Vossa plaiv sche Vus giavischais ina festivitad da benediziun.