7. April 2020
"Plü vivaints co avant"
Cura tuornaina darcheu illa vita normala da mincha di?
Quista dumonda occupa ils umans pel mumaint. Il virus da Corona ans maina temma e pissers. Isolaziun e mort. Però eir solidarità e creatività, colliaziun e resilienza. La pandemia ha cuntanschü mincha sectur da nossa vita. In ün mound global resentin nus las dependenzas vicendaivlas sco amo mai.
Quarantina
Nus vivain pel mumaint in quarantina. Quella vegn dal numer quaranta. Ella vain già avant i’ls temps biblics sco temp da retratta. Uschè passantain nus quaranta dis avant Pasqua, sco temp per gnir pro nus. Umans cristians as preparan uschenas sün las festas las plü importantas da l’on ecclesiastic: Venderdi sonch e la resüstanza da Gesu Christ, Pasqua. Ed els vegnan consciaints: Üna vita normala nun exista. I'ns renda consciaint quant ferma chi’d es l’indisponibiltà in nossa vita.
Co pudaina incleger quai?
Üna chosa indisponibla nu’s poja incleger. I's po be avair fiduzcha: illa buna nouva sco avant 2000 ons: La fossa d’eira vöda! Gesu Christ es vivaint! Dieu nu lascha vita innozainta mordriada sainza güstificaziun. Quista cretta significha:
La vita es plü ferma co la mort.
La vita es plaina da cretta, spranza ed amur. Indisponibla.
E causa quai uschè ferma.
Sco quella jada es quai eir hoz amo ün cuffort in vista da nossa mortalità. Cun l’experienza da la resüstanza da Gesu sun ils umans tuornats illa vita da minchadi. Plü vivaints co vant. Bunas Pasquas!