CAPABEL DA DAR IN SENN E UND PALPABEL
Engaschà a moda cristiana. «Ils Evangelics», «ils Refurmads», «ils Protestants» – tgi che f apart da la Baselgia evangelica-refurmada, è disà d’udir divers nums e noziuns. En emprima lingia essan nus ina cuminanza da cristianas e cristans – en il mintgadi, en las festas, en la furmaziun ed en la cultura. Nus essan organisads en plaivs e là avain nus la pussaivladad da gidar a concepir la veta ecclesiastica. Cun la taglia da baselgia ans participain nus er finanzialmain, tant persunas singulas sco er interpresas. Quellas menziunadas il davos prestan cun la taglia da cultus ina impurtanta contribuziun a servetschs d’util public, sco per exempel il mantegniment d’edifizis sacrals protegids.
Democratic-federalistic. Nus avain ina constituziun ed essan structurads confurm al dretg statal. En il parlament, en l’executiva ed en la Sinoda vegnan las decisiuns concludidas a moda e maniera democratica. La Baselgia chantunala relai reglaziuns che valan per l’entira Baselgia. Ella sustegn las plaivs tras ses servetschs centrals. Plinavant garantescha ella servetschs surregiunals. Ina gulivaziun da finanzas pussibilitescha er a plaivs flaivlas da finanzas d’execuir lur incumbensas.
Nus tschertgain la collavuraziun cun autras baselgias ed instituziuns sin plaun chantunal, naziunal ed internaziunal. Nus sustegnain ovras socialas e diaconicas en Svizra ed a l’exteriur e promovain il dialog da las confessiuns e religiuns tranter ellas. Tras la commembranza en la Baselgia evangelica refurmada da la Svizra, l’uniun da las Baselgias chantunalas refurmadas e da la Baselgia evangelica metodistica essan nus represchentada en gremis internaziunals sco la Cuminanza mundiala da las Baselgias refurmadas, la Conferenza europeica da las Baselgias ed il Cussegl ecumen da las Baselgias.